صرخة مواطن موجوع في رسالة مؤثرة الى الرئيس عون

- الجزيرة عن مصدر عسكري: 17 غارة إسرائيلية استهدفت مدرج مطار حماة العسكري وحظائر الطائرات - رئيس الحكومة نواف سلام في اتصال مع الرئيس السوري أحمد الشرع: أرغب في زيارة رسمية قريباً إلى دمشق بهدف بحث القضايا المشتركة وتعزيز أواصر التعاون بين البلدين - مصادر "سكاي نيوز": مركز البحوث المستهدف في القصف الإسرائيلي على مساكن برزة كان يستخدمه حزب الله لتطوير صواريخ أرض أرض متوسطة المدى - الجيش الإسرائيلي: اعتراض صاروخين أطلقا من شمال قطاع غزة - وزير الدفاع الإسرائيلي: القرى المدمرة تمنع حزب الله والمدنيين من العودة لجنوب لبنان لـ 5 سنوات - مصادر "العربية": جرحى جراء الغارات الإسرائيلية على مطار حماة العسكري بسوريا - هيئة البث الإسرائيلية عن اللواء مزراحي: سمحنا لحماس وحزب الله ببناء قدرات تحت الأرض وفوقها ولم نكن مستعدين لا في الأوامر ولا بالقوات ولا بطريقة الدفاع - رئيس الشاباك: هناك ارتباط مباشر بين الاغتيالات في غزة وبيروت والاغتيالات في غزة ستستمر وتتكثف - إعلام حوثي: هجوم أميركي يستهدف شرق مدينة صعدة بشمال غرب اليمن - إذاعة الجيش الإسرائيلي: مظاهرات في المطار للمطالبة بالإفراج عن الرهائن قبيل زيارة نتنياهو إلى المجر - القناة 14 الإسرائيلية: طائرات الجيش تشن هجمات في دمشق - مصادر "الحدث": غارة جوية إسرائيلية تستهدف محيط مطار الـT4 العسكرية بريف حمص

الاكثر قراءة

مفرزة استقصاء بيروت توقف مطلوبًا خطرًا

محليات


					صرخة مواطن موجوع في رسالة مؤثرة الى الرئيس عون

وردنا من احد المواطنين رسالة موجهة الى رئيس الجمهورية البنانية العماد ميشال عون جاء فيها:

فخامة الرئيس... تحية و بعد

معليش فخامتك سمحلي الّك ياهن هيك بالدارج متل ما هنّي

نحنا اللي كنا نكتب عالحيطان "عون راجع" ونحنا اللي كنا نتبهدل وننضرب عبواب جهاز الاستخبارات اللي كان حاكم، نحنا اللي نزلنا عالفوروم وقت اللي رجعت بالسلامة، نحنا اللي بقينا نحاور باقي الاحزاب ونناقشن ونقنعن انو بس اذا بيوصل بي الكل بيصير في بلد وغير هيك العوض بسلامتكن....

يا بي الكل نحنا اللي كنا نواجه العالم ونقلن انك جنرال لكل لبنان مش لطايفة معيّنة، ونحنا اللي اهالينا طلعوا كسروا الجرار وربّونا عفكر فدا الجنرال ما بيغلا عليه غالي، و نحنا اللي اخواتنا تحت التراب لأنو كانوا عم بدافعو عن الوطن والارض والشرف والعرض..

يا بي الكل الف مبروك انت رئيس البلاد بس وين راحو الكلّ؟؟؟ مش اللي كل يوم بتشوفن عندك بالقصر هني الكل.. لا يا فخامة الرئيس هاو ما بيطلعو ١٪؜ من الكل
يا بي الكل ولادك بدا تنام عالطرقات لانو لا فيا تشتري بيوت والاجارات كسرتلا ضهرا
يا بي الكل ولادك رح يهاجروا لانو كانوا مفكرين بس توصل رح تصير المراكز والمناصب عالكفاءة بس للأسف سلمت الـ ١٪؜ و نسيت الكل..
يا بي الكل وين الامان بالبلد..عأشغالن ولادك ما عم يقدروا يوصلو، وين اصحاب الكفاءة يديروا امور هالبلاد؟؟
يا بي الكل نحنا مع الانفتاح والتعايش بس ما تنسى بيتك وعيلتك الزغار هاو اللي هني القاعدة وهني الكل
يا بي الكل نحنا ما بقى معنا جرار كسرناها واشترينا كرامة وبقينا عا عهدك ومبدأك وما تزلمنا ولا تسيسنا ونطرنا وصبرنا وتحملنا وتبهدلنا.
يا بي الكل بعرف بدك تقلي بدا وقت ومش كوني فكانت بس في موضوع ما سمعنالك في رد و لا خبر؟!!!

يا بي الكل انت رئيس البلاد في ١٦٤ ملف في مصرف الاسكان اختربت بيوتن، يا بي الكل اللي باع بيتو الزغير واللي باع سيارتو واللي باع دهبياتو واللي تديّن ليدفع رعبون ويشتري شقة ليخلص من مقصلة المالك واخد الموافقة عالمبلغ ودفع مصاريف واجرة خبرا هلق شو بيعمل؟؟؟

يا بي الكل اذا اللي بعد عليه ١٤٠ الف دولار وهلق بيطلعلو ١٠٠ شو بيعمل بالباقي؟؟؟ المالك كيف بيرد الرعبون؟؟ كيف بيكفي المبلغ؟؟ بيبيع امو؟؟ اختو؟؟ شرفو؟؟؟ بيسرق؟؟ بينهب؟؟ مين بدو يجاوبنا عهالسؤال يا بي الكل؟؟

وينن الـ ١٪؜ اللي حواليك؟؟ خبروك هاو التفاصيل؟؟؟ اكيد لاء ما بيعرفوا اصلا مش حاسين فيا.
يا بي الكل رجاع بي الكل اللي عرفناك، انت رئيس الجمهورية والجمهورية هي ارض وقانون وشعب بس اذا راح الشعب يا فخامة الرئيس ما رح يكون الو معنى القانون لانو على مين بدو يتطبق؟؟!!

وبس يروح الشعب والقانون رح يصير اسمك حاكم الارض وتبطل بي الكل..

اعذرني على صراحتي وجرأتي لأنن على قدر محبتي الكبيرة إلك...

تابعوا آخر أخبار "Radar Scoop" عبر Google News، اضغط هنا

2018 -

شباط -

شارك هذا الخبر